Okoy Kolokoy (with oatmeal) Fish burger with oatmeal

Kung merong oatmeal cookies, na mabentang-mabenta sa mga bata, meron akong naimbentong oatmeal okoy! At first try, nagustuhan ni Nepot. Lalo na kung isasawsaw sa ketchup. Pwede rin sa sukang may bawang. Nakakatuwa kase dahil lang sa oatmeal sa pantry na hindi na na-consume, naisipan kong gamitin para sa paggawa ng okoy. 

Nabili ko ang mga dilis o bulinaw (o anchovies sa English) sa palengke. Kalahati ng mga ito ay kinilaw ko. That's true! isa-isa kong hinimay at inalis ang tinik ng mga pinong isda! Hahay... nakakapagod yon ha. Pero masarap! Masyado akong nasarapan, promise! Okay Okoy, eto na pano gumawa ng oatmeal okoy.

Mga Sangkap:

300 gramo ng dilis o anchovies (med. sized), alisan ng ulo at tinik

1 tasang oatmeal (instant)

1/2 tasang all purpose flour

2 itlog 

2 camatis, tinadtad o dinaan sa processor para maging pino

1 sibuyas, tinadtad ng pino

3 pirasong bawang, tinadtad ng pino

asin at paminta

mantika pang-prito

Pano gawin:

Pagsama-samahin ang lahat ng mga sangkap. Haluin. Initin ang kawali at lagyan ng matika. Salukin ang mixture ng okoy gamit ang 1/4 tasa. Iprito hanggang maging golden brown ang kulay. Baliktarin. Ulitin hanggang maubos ang mixture. Hmmm... yummy! masarap talaga!

Trivia: Kung nais na mejo crispy ang okoy, gumamit ng 1/4 tasang all purpose flour at 1/4 tasang corn flour o cornstarch. 

Dinilawang Manok

Kahit anong luto yata sa manok, gusto ni Nepot. Pero itong dinilawang manok, isa sa mga cravings nya na hindi ko matanggihan. Ito ang pinaka-masarap na dinilawang manok na nakain nya! haha! Aside sa flavorful tanglad (lemongrass or citronella), at sa siling haba (finger chili), lalong pinasarap ng flavor ng luyang dilaw. 
Totoong mapapa "rice please.." ka ulet.  

Mga Sangkap:

1 kilo Paboritong parte ng manok (pero I recommend thighs and wings) 
1 cup kakang gata 
1 cup ikalawang gata 
1 bungkos ng tanglad (o lemon grass)
4-5 piraso siling haba (finger chili) hiwain ng pahilis (diagonal)
6 pirasong luyang dilaw (katamtaman ang laki, singhaba ng hinlalaki) hiwain
1 piraso luya (2 inches ang haba)
1 sibuyas tinadtad
6 piraso (cloves) bawang (tinadtad)
2 kutsarang mantika
paminta at asin

Igisa ang bawang sa mantika. Idagdag ang sibuyas at luya. Haluin hanggang sa lumabas ang flavor ng mga sangkap. Idagdag ang manok. Haluin hanggang sa maluto ang manok. Ilagay ang ikalawang gata. wag haluin at wag tatakpan. isama ang luyang dilaw at ang sili. hayaang kumulo ng bahagya. Hinaan ang apoy. Hintaying kumonti ang sabaw bago ibuhos ang ikalawang gata. 
Huwag haluin. Idagdag ang tanglad. Lagyan ng asin at paminta. Hayaang kumulo. Saka pa lang hahaluin. 
Kung nais na magmantika ang gata, hayaang kumulo ng bahagya hanggang sa magmantika.


Trivia:
Ang luyang dilaw ay maari ring mabili ng pulbos (o powdered form) sa mga supermarket na may label na 'turmeric' or 'ground turmeric'. Ang sabaw ng nilagang luyang dilaw o turmeric tea ay mainam sa paglilinis ng bituka at kidneys. Kaya mainam na gamitin sa cleansing diet o kaya ay gawing regular na inumin sa araw-araw.